Afrikaans: Christiaan de Wet (1854–1922), Boeregeneraal, politikus en rebelleleier. Die foto is geneem in Potchefstroom op die 27ste Augustus 1900, ses dae nadat hy en sy kommando van 246 manne 'n bykanse omsingeling noord van die Magaliesberg vrygespring het. Hy sit met 'n geweer wat deur die burgers herstel is nadat dit deur een van baie hensoppers by die Engelse ingelewer is om vernietig te word. Dit is gewoonlik gedoen sodat hulle eiendom en plase gespaar sal bly. De Wet het oor hierdie foto geskryf:
  Potchefstroom was op daardie tydstip nie in die hande van die Engelse nie. Ek het na die dorp oorgery, en dit was toe dat die bekende foto van my geneem is met 'n Mauser in die hand, wat oral versprei is. Ek vermeld dit net om die aandag te vestig op die verhaal van die vuurwapen waarmee ek uitgebeeld is. En dit is naamlik:– Toe die vyand deur Potchefstroom getrek het op pad na Pretoria het hulle 'n garnisoen agtergelaat, en baie burgers het daarheen gegaan om hulle vuurwapens op te gee, wat vervolgens op 'n hoop verbrand is. Die burgers het teruggekeer toe die garnisoen die dorp verlaat. Onder hulle was daar eniges wat aan die werk gespring het om kolwe te maak vir die gewere wat verbrand is. "Hierdie geweer," is ek vertel deur die man wat dit aan my gewys het, "is die tweehonderdste wat uit die verbrande hoop geneem en herstel is." Dit het so 'n indruk op my gemaak dat ek dit in my hand geneem het, en my daarmee laat afneem het. Dit spyt my net dat ek nie die name kan noem van die burgers wat daardie werk verrig het nie. Hulle name is waardig om ingeskryf te word in die annale van ons volk.